 |
 |
Die sondaar en die sonde.
Jy sondig omdat jy 'n sondaar is, soos 'n hond blaf omdat hy 'n hond is.
Jy word nie 'n sondaar die eerste keer dat jy sondig nie, jy is in sonde ontvang en gebore.
Dit is nie iets wat deur die grootheid van jou sonde bepaal word nie, net soos 'n hond nie meer hond is as hy meer blaf nie, is jy nie meer sondaar as jy meer sondig nie.
Christus het eens vir almal gesterf en die beginsel van sonde oorwin, die fontein van sonde is vernietig, maar die "nasmaak" is nog duidelik sigbaar. Die aftershock.
Dit is reeds oorwin, en jy kan daaroor heers in jou lewe.
Maar net soos 'n hond nie kan heers oor sy hondwees nie, Kan jy nie oor jou sonde heers deur jou sondige natuur nie.
Jy het 'n ho?r lewe nodig om daaroor te heers.
Ek is die Weg die Waarheid en die Lewe. Daardie ho?r lewe is in jou. Die Lewe wat die sonde oorwin het is die Lewe wat daaroor kan heers.
Soos jy kan sien is Lewe 'n persoon, 'n Man, sy naam is Jesus Christus. Hy is die oorwinnaar.
Jy oorwin die sonde IN Hom, want oorwinning is daar reeds 'n werklikheid.
Sy identiteit IS oorwinning. Jou identifisering met Hom maak die oorwinning vir jou 'n werklikheid.
Jy is MEER as 'n oorwinnaar voor jou eerste oorwinning. Want Christus het oorwin voor jou eerste sonde.
Nou wat het hy nie aan gedink nie?
Kom ons gesels